Britt Elise Skram og Kristina Farstad Bjørdal

Britt Elise Skram på fele og Kristina Farstad Bjørdal på akkordeon er to veletablerte musikarar i Møre og Romsdal, og båe er aktive og mykje brukte musikarar både nasjonalt og regionalt. Dei har kjent kvarandre i mange år, og no har dei endeleg fått sjansen til å gå saman om å lage eit duoprosjekt for det dei begge brenn slik for: nemleg rund- og bygdedanstradisjonen frå sine heimstadar som dei ikler smakfulle arrangement og artige vriar. Dei har også eit stort hjarte for folkemusikken andre stader i Noreg og Sverige, og dei har også nokre nyskrivne folkemusikkperler på programmet. Tradisjonane har i alle tider vandra, og ein spelar ting ein syns er fint frå andre tradisjonar og gjer det til sitt eige. Slik held dei tradisjonen levande!  Denne duoen har allereie hatt eigen konsert på NM på Trekkspel 2023 på Storefjell til fullsatt sal. Dei har og hatt fleire konsertar…